好似，依家我在港島搭電車🚎🚎🚎，久唔久D電車公司職員就在車廂內張貼招聘廣告，成日招聘電車車長，查實，有幾多成係真呢？話說，我早幾年前，我先後两次去香港西區屈地街電車總廠見乜Q電車車長，去到電車總廠例行填咗張職位申請表格，之後，D電車公司扮晒專業咁，俾份MC試卷你考，講真，佢俾D試題，真係白痴也識答，來來去去問D客戶服務呢D普通嘢，OK，之後，D電車公司職員又扮晒嘢咁叫我入另外一間房去見，又叫我俾張香港駕駛執照佢睇，我記得佢只係簡單問我D個人資料，最後又用種種藉口打發你走，我諗起真谷鬼氣，之後，我有位朋友叫阿偉，阿偉曾經又係去過香港西區屈地街電車總廠見過電車車長職位，恰巧，阿偉在電車總廠某間房等候見期間，坐在隔離有位人兄向佢爆料，原來，電車公司刻意在報章上刊登招聘廣告，公開招聘大量電車車長云云，其實，就算電車公司真係有空缺，電車公司有D經理主任晨早就介紹D自己友入嚟電車公司做，所以，我呢D唔知頭唔知露，又做咗老襯，做咗陪跑也唔知，唔怪之得啦，揸電車🚎🚎🚎唔同揸巴士🚌🚌🚌，根本上又簡單又易操作，只係跟路軌行走，只要你有心，D電車公司一定請你，即刻叫你去返培訓課，有乜可能我去屈地街電車總廠見两次，D電車公司職員又係敷衍吓你之後，就用D藉口打發你走啦……所以，我就知道電車公司擺出嚟D招聘廣告根本上是騙人，完全是掛羊頭賣狗肉，表面上又做公開招聘，製造D假象出嚟，但實際上又係一早內定晒自己友做，真係連電車公司請人也好似選香港特首咁Q樣，小圈子選任……黑箱作業，我呢D想投身電車🚎🚎🚎駕駛工作而無人事關係就俾電車公司拒諸於門外，但唔明仲有咁多傻仔去見，有D大惑不解😂😂😂
沒有留言:
發佈留言