見工真係一肚火

依家D"香港僱主"真係痴乜咗線，大佬，如果呢D老闆心目中巳有人選，咁就無謂叫我上嚟D公司俾你地D主管當我傻仔咁玩尻我，玩完我就叫我返屋企等電話，係度浪費時間，好似我早排，打算入去D工程公司(叫"湯臣")，投身D技術行業，去做乜Q消防工程學徒，大佬，係佢地間公司講明，唔使任何經驗，只要你肯學，都可以做消防工程學徒呢個職位，於是，我便滿心歡喜就去呢間消防工程公司去見囉……起碼，學番一技之長仲好，但當我一上去"沙田石門"呢間公司去見，唔知呢位所謂師傅是否有心玩嘢，我照例填張職位申請表格，之後，佢一見到我，就叫我先介紹自己(痴線，係度講廢話)，但之後，呢位師傅仲Q搞笑，乜咁叫我問問題，我於是好天真咁問咗有關D消防工程問題，佢都有問有答，我仲以為一定得，實入到職，但最後，佢竟然打發我走，又話唔知有無呢個職位，要同公司夾吓，叫我返去等電話☎☎☎，大佬，玩嘢咩！佢自己唔知有無呢個職位空缺，就唔好叫我上嚟見，我山長水遠，使咁多車費又咁有誠意嚟你地公司見工，佢一句話唔知公司是否有消防工程學徒呢個職位空缺，就打發我走，佢係唔係傻架，如果我係老闆，我見一個人就即時過知佢是否聘用，另外還有，仲有一件事仲勞尻氣，我早排前往"香港新界沙田香港體育學院"見工，之前有位體院職員鄭生係電話☎☎☎同我講，話乜Q一級設施事務口
旦要有四年經驗，叫我去申請二級設施事務員，OK，好吧，我便滿心歡喜於五月五日去沙田香港體育學院去見囉，OK，我在香港體育學院行政大樓照例填表格，之後就去見D濕尻部門主管，但我一入房，見到班茂利，第一句又係叫我介紹自己，痴線，講乜春呀！講埋晒D廢話，咁都算，之後仲搞笑，佢地之前問我一D大路問題，問乜？第一條就問乜鬼如果你巡視至場館，見到D人係度違規飲食🍳🍳🍳🍲🍲🍲，你會點做？我於是答話會先向佢作出勸諭，若果佢無視我勸諭，就會通知上級主管到場處理，OK，答得好得體，第二個問題，佢地叫我搬東西，OK，我又可以搬到，而且姿勢正確，但之後，佢地開始就處處刁難我，無端端問我，若果有位同事工作量超大，而你工作量超細，你點做？痴線，大佬，家陣我考主管咩！D員工工作量有幾多，係由主管分配，我只係見乜Q二級設施事務員，關我差事咩！又無端端問我如果你在場館做乜Q大型清潔衛生，你點安排？呢條問題仲痴線，大佬，我唔係見主管，我只係見二級設施事務員咋……我做老闆咩！使唔使咁問呀……點安排係由D主管去安排，我只係阿四，D主管叫我做乜就做乜……問嚟都多舊魚，之後仲PK，玩完我一輪，又叫我返去等電話？算點呀？大佬，二級設施事務員算是什麼？只係做D行行企企又擔擔抬抬D閒位而已，使唔使搞到咁複雜呀……另外，體院呀鄭生叫得我嚟見，當然覺得我OK先叫我嚟見，我嚟到見D大爺，面談只係形式，最後都會聘用你，大佬，如果佢地本身心目中已有人選，晨早就內定晒自己友做，咁就唔好揾我做陪跑，我時間是好寶貴，我同你地無仇無怨，玩Q我也無用，唔該！😡😡😡