直擊茶記$58 buffet是真的 老闆話有賺：蝕本就未嘅！  今日睇么？ 2016-02-17 香港新聞    油麻地彌敦道最近出現一間以「中西式 自助餐 驚嚇價 $58」吸客嘅茶餐廳。 油麻地呢個香港懷舊之地最近出現一間以前衛方法經營嘅茶餐廳，就係開設晚飯時段放題任食，每位只需$58，近日更被食客將此消息放上網，被網友瘋傳，到底係唔係真係其事呢?FACE Pop記者今日就去到現場直擊!  網上瘋傳呢間茶餐廳每位只需$58就可以任食2個鐘嘅消息。(網上圖片)  記者一到達餐廳門前，已見有數個寫上「中西式 自助餐 驚嚇價 $58」嘅牌，入到餐廳，格局同普通茶記其實冇乜大分別，不過全場坐無虛席，唔通$58放題任食真有其事?經記者求證，該餐廳喺每晚6點開始設有$58放題任食2時小時優惠。  無花無假，有網友食完再開po。(網上圖片)  FACE Pop今日搵到餐廳老闆劉欽界(左)及「奶茶王」葉達生(右)接受訪問。  大家可能會有疑問，$58問任食2個鐘，食物質素一定差，不過根據記者觀察，現場有鹽焗雞、椒鹽豬排、魚香茄子及蒸魚等等，食物種類都頗元化，不過份量相對較少，所以食物一出，好快便被食客搶晒;至於味道方面，雖然係$58任食，不過都絕不馬虎，具有一般茶餐廳應有水準。$58一位任食2小時確係吸引，不過$58蚊只包任食，唔包任飲，如要飲嘢，就必須以原價的半價購買，或選擇喺自助食物桌上嘅例湯，餐廳亦暫時未有甜品供應。雖然全場爆滿，如欲以$58任食2小時，更需要book位，不過就現場所見，食客全部以中/老年人或夫婦為主，年青人只佔很少數。  餐廳格局同普通茶餐廳冇分別。   任食係唔包飲品，如要飲嘢，就必須以原價的半價購買，不過加一都免又確抵。 在場嘅食客食得好開心，身位餐廳老闆的劉欽界接受FACE Pop訪問時表示，$58放題任食已開始咗近一個月:「(開始咗幾耐?)大概廿日啦，已經做咗20日左右。」但點諗到呢條橋呢，原來係老闆幕後軍師，有「奶茶王」之稱嘅葉達生獻嘅計:「我聘請咗『奶茶王』開頭幫我做奶茶宣傳嘅，跟住就做咗我嘅顧問，咁佢就推薦咁樣做($58蚊任食2小時)。」  真係58蚊一位，2位$116，無花無假。  之後「奶茶王」都有返餐廳接受訪問，佢同老闆都表示，喺未來嘅日子可能再會推出不同優惠，亦有計劃加設甜品提供俾食客選擇。而老闆話設有放題任食呢個原意，唔止係宣傳餐廳，更想俾人知道，「唔係話經濟唔好就冇嘢食，其實平都好食嘅。」而大家最想關心嘅，一定係到底茶餐廳以咁低嘅價錢提供任食，會唔會蝕本，等老闆為各位解答:「薄利多銷，蝕本就未嘅。」仲因為「自助」呢個形式減低人手，幫餐廳節省開支:「我同佢(葉達生)就研究咗，咁樣做法(自助放題)我哋可以減低員工嘅人手成本。」
大佬，依家在“香港”廉價飲食真係無得做，一來“欠缺人才培訓”、二來“對D食物無乜創意又無乜地方文化特色”、三來“香港又無農業生產去支撐成本，全是依賴外國進口糧食，一旦國外有乜戰爭爆發，引起糧價反彈，令食肆因食材成本而要加價”😠😠😠
講真，D“香港人”又熱衷於“炒樓炒舖又炒股”，可謂“百味炒”，搞到乜Q又貴，係你地D“香港人”自作孽，封死自己條財路💰💰💰，依家仲要去屈Q自己祖國（中華人民共和國）同胞兄弟搞Q到“香港人”生活唔到，根本上是“香港人”係度自欺欺人，係“香港人”自己造成D惡果又賴Q咗“中國內地”😠😠😠關Q“內地人”咩事呀！😠😠😠
所以，一係要全面“智能化”，用D“智能機械人”去做廚藝工作及待客服務工作……又可以減少咗“人工成本”，不過最大問題又搞Q到“香港”大量失業，D政客又PK，又搞乜福利又乜Q“最低工資及標準工時”，搞Q到D人生意難做，成世打死一世工，根本上係一個局，就係要你地D打工仔永遠做乜Q“共濟會”奴隸，一世無法翻生，除非好Q似“深水埗明哥”咁，背後有“泛民大佬與社團”捐錢💰💰💰俾佢，咁就可以搞到廉價飲食囉😠😠😠
沒有留言:
發佈留言