旺角暴亂：列20大質問 前線警斥高層失職 02月11日(四) 20:31   【on.cc東網專訊】旺角年初二凌晨發生六七暴動以來最嚴重暴亂，造成大量警員受傷。不少前線警員均批評政府及警隊軟弱，包括戰術、裝備、人手均錯配，指摘當日現場總指揮歐陽照剛(現職警察機動部隊校長)及警務處處長盧偉聰，二人失職。更有前線警員在WhatsApp群組中，臚列對管理層20項不滿和質問。 20項不滿和質問： 1. 在旺角當晚係邊個做指揮？ 2. 佢有冇接受過PTU訓練？ 3. 點解唔使用相應嘅武力？ 4. 在暴動的情況下點解唔使用IS Tactics(防暴戰術)？ 5. 點解要前線同事用血肉之軀抵擋磚頭？ 6. 究竟當時決定打定唔打？打，就應使用相應武力；唔打，就應該立即撤退。 7. 磚頭係致命武器，點解唔可以用槍去保護生命？ 8. 新聞報道講：警員被暴徒追打！管理層有何感想？ 9. 有咁多同事受傷，亦有些受重傷，管理層有何感想？ 10. 防暴裝備同IS Tactics(防暴戰術)如果唔係用來對付暴徒，咁係咪只用來擺房和用來表演用？ 11. 高層唔好再講強烈譴責呢啲廢話，更加唔好講前線同事好克制，只會令同事愈聽愈嬲！ 12. 點解畀暴徒猛掟磚頭，嗰啲高層依然叫同事企喺度做人肉盾？究竟係乜嘢戰術？如果要企，懇請所有高層同前線同事一齊企，畀暴徒用磚掟，睇下邊個唔好彩被掟死！ 13. 掟磚頭係致命武器，高層是否同意？再有類似事件，前線必定會take covers(找掩護)同埋使用槍械去還擊，唔會再做人肉磚靶，因為已經受到生命威脅，高層是否同意？但如果仲有啲無理無常識高層要前線再做磚靶，咁點？前線是否唔需要理會？定還是由得前線犧牲送死，因為前線生命係賤命，高層升級仲緊要過前線生命？ 14. AR 15(半自動步槍)、布袋彈、橡膠彈、催淚煙、手榴催淚彈點解全部唔用？管理層只驚傳媒，市民點睇，就唔驚前線同事點睇！難道咁激烈嘅暴行都唔應該用上述武器？如果適用但無畀指示叫前線用，很明顯不配做呢個階級，所有高層是否要責任承擔及徹查事件？會有咩罰則？ 15. 前線同事冒生命危險去對抗暴徒，維護法紀，但CP(警務處處長)嘅記招居然回應會徹查前線有否不恰當使用其他武器，知否已經傷透所有前線同事嘅心同士氣，很悲哀！警隊果然係一將功成萬骨枯！ 16. 如果所有武器同戰術都係唔用，只係擺房，可否罷免再去training(訓練)，因為係晒(嘥)時間同多餘，警隊自從佔中燒催淚煙後已經有啲龜縮唔敢再用催淚煙！更遑論橡膠彈、布袋彈、AR15等等！ 17. 今次事件係管理層作出錯誤決定，導致很多前線同事受傷，是否同意？點同前線交待？經常講責任承擔，管理層有否勇氣承擔責任？點承擔？ 18. 今次暴徒暴行，前線同事應該可以開100槍以上，同埋應該係遠距離作戰，點解仲要推前線同事去送死，用人肉擋磚？而家前線同事已經冇士氣呢個係因果，亦好難修復，管理層點回應？ 19. 請不要打算用讚賞去畀受傷同事去覆蓋同事嘅不滿，前線同事係有尊嚴，不要當我們係傻仔！ 20. 前線同事呢幾日嘅憤怒情緒係無停過！
無計，“香港警隊一哥失暈聰”又怕Q咗D傳媒而唔敢出重拳打柒呢班“本土喪屍”……而“香港特區政府”又怕打Q傷或打Q死D“本土喪屍”，一來怕“美國”譴責，二來怕D“泛民大佬與癲狗黃”唔敢再出錢💰💰💰搵D“本土喪屍”出嚟搞屎搞尿……始作俑者又係政府，政府俾錢💰💰💰D“區議員及立法會議員”去搞嘢，但佢地出錢💰💰💰請人做戲玩Q過火，政府若要重手去懲治佢地，又會招人話柄😠😠😠
一句講晒“司法獨大、泛民惡晒”，依家搞到“香港警察”👮👮👮係咁俾D“本土喪屍”玩，政府係咁用“苦肉計”去委屈自己，完全無火，又唔還擊，遲早搞死自己😠😠😠
沒有留言:
發佈留言