講开香港小巴問題

我今天睇報紙……話香港特區运輸署向小巴司機簽發咩“公共小巴司機証”……
講真……即使有小巴乘客向香港交通諮詢委員會交通投訴組提出投訴……
香港运輸署只向車主發出“勸諭信”……
妖！就算俾番小巴司機睇？
佢都睬你都傻……
又係“同你講完，轉頭就無咗件事”……
再者……
因為無法例可以規管小巴司機之行為……甚至客戶服務……
故小巴乘客都無晒佢符……
所以……
希望政府可以做三件事:
一、香港特區政府向小巴提出專營权政策……
        不再分“紅巴”和“綠巴”……而係由政府
       邀請唔同公司投標營運……而且……
       某小巴專營公司出現經營不善……
       政府有权將其剔除……
       仲有……政府只將香港分為三区，
       包括“港島区，九龍区和新界及离島区”
       並且每区設有一个專營权……由一間公
       司專營……
二、政府必須修改“道路交通條例”……
       必須加入“商用營運車輛司機刑責條款”
       因該條例只規管小巴司機在交通事故上
       才負上刑責……但小巴司機對乘客作出
       不禮貌對待……甚至有言語衝突……
       法例沒有對小巴司機作出懲處……
       故希望政府可加入此條款……
       一旦有小巴司機有違反此條款……
       就會俾运輸署向法院提出起訴……
       但期間会下令向該司機發出“停工令”
       仲有希望政府可以将“香港駕駛執照”內
       “的士”(6号牌)，“公共小巴”(4号牌)，
       “私家小巴”(5号牌)，“公共巴士”(9号牌)，
       “私家巴士”(10号牌)列為“暫准執照”
       規定新領取執照者必須在三年内……
       無意外……而且駕駛技術及安全獲
       运輸署評核合格後……才發出正式
       駕駛執照……
三、政府应立法規管小巴业主收費問題……
       而且取消小巴业主向司機徵收不必
       要收費……並且取消小巴租賃制度……
      一律由公司自行購車經營……
      並且反對小巴业主對司機進行过份
      索取金錢……
      政府可以設立官方小巴客戶服務
      評估網頁……並且定期舉行“客戶
      联絡小組”会議……而且不定期舉
      行公眾聽証会……由市民和小巴业界
      共同協商小巴收費和路線安排……
      再交由行政長官会同行政会議審批……
      並且由巿民評估小巴司機之服務質素……
      政府亦可以搞一个“傑出小巴司機奖勵計劃”
      但凡獲乘客点名讚許之小巴司機……
      可獲政府給予两万港元或以上奖金以作
      奖勵……
当然……靠法官？妖！法官本身又仁慈……加上大部份法官是親泛民親西方……而且極受政治左右……最終……又向小巴司機跪底……無計！

講开医療保障問題

講真……
就如我為例……
我要向保險公司購買医療保險先有保障……
但往往好奇怪……
我有咩冬瓜豆腐……
要入院治療做埋手術……
出院後……
自己要先俾錢间医院……
然後……自己慢慢向保險公司提出索賠……
好彩……
我本身是有個人儲蓄之習慣……
先至有錢俾……
有時……
我有個想法？
在香港……只有“保柏”才有“住院做手術，出院由“保柏”找數……
可惜……在香港無间保險公司像“保柏”咁……
往往要“入院做手術，出院先找數，後找保險公司提出索賠”
好頭痛……
故此……
希望香港特區政府……要做三件事……
一、政府必須立法推行強制性医療保險
二、政府成立“強制性保險管理局”……並且
       委託各私營保險公司向全港僱員進行
       投保……
       而且政府亦会替公司僱員供款……
       而僱主僱員各供10%或以上……
       而“強制性保險管理局”亦可以
       用“强保金”進行投資賣買滾存……
三、政府必須投資五百億港元，用以資助
        低收入市民在生活医療所需……
講真……香港市民不論入公院或者入私院……总之港人手持“医療咭”或者“香港永久性居民身份證”……自己出咗院……唔使先找數……而係由強保金供款支付……
仲有……我在某某公司任職……無咩保障……有咩事都唔知点算……
故希望“強保金供款”要以10%开始……

講开双非兒來港就学及定居問題……

講真……今天睇到段新聞……真係好火爆……
何解？
香港特區人口政策督导委员会班委員諗嘢真係好鬼白痴……唔好俾我踼爆班委員……肯定擦Q泛民建制两派……以配合“盲搶人”及“盲搶選票”之舉……
我講咩？之唔係呢个所謂人口政策督導委員會又提倡接近二十万双非兒來港就学和定居？仲要連埋佢地一家大細……包括親朋戚友全部來港定居？
香港已有七百万人口……超爆炸……搞至医療房屋社會福利及就业好鬼緊張……仲要引入双非兒及双非家長居港？係唔係傻架？
心想……呢个人口政策督導委員會班委員係唔係傻架？
你估当双非兒是“大口環”呀？
你估当双非家長及親戚是“大鄉里”呀？
講真……就係当初泛民建制两派支持莊豐源父母打居港权官司……仲要俾終審法院錯判双非兒擁有居港权……
搞至中國內地孕婦搶閘來港生仔博攞居港权……
使咩搞至今天咁PK……
泛民建制两派正一累街坊……
講真……呢个人口政策督導委員會倡議双非兒來港就学定居……佢地就照做咩？
你估香港有金執咩？一大堆屎就有得你去執……
仲有……話明……嚟親香港生仔之双非父母在中國內地大多數是有錢人……佢地在中國內地住间屋仲大个香港多多聲啦！仲有……在中國內地嘅生活指數又低……物價又平……福利又好……佢地來香港純粹幫双非兒申領香港身份証……和香港特區護照……日後方便“搞移民去美加等国定居”
及來港方便“就医就学”容易些……
並非想來港作“長期定居”
係人都知……
依家香港已是“血地獄”……
並非是“宜居之城市”
D傳媒有時在報導上又过於“誇大失实”
政客又喜歡將每件事有種“顛倒黑白”
講真……双非家長咁有錢……在中國內地住大屋……揸靚車……仲有在中國內地又投資开厰……搞生意……甚至在大企業出任公司高層……呢班人又点会甘心放下在中國內地全部事業……又賣屋又賣車……來香港住進不足二百呎公屋……住進只有八十呎割房……打份牛工……賺份人工都唔夠養自己……連仔女都養唔掂……而且“物價高”又“低福利”又“低工貴”……最終又搞至家嘈屋閉……咁為咩？
仲有……家陣香港只有服務業……又無机遇……俾你地創業……只會捱死一世……永無發達……
故香港存在著三難:
(1)就業難
(2)住屋難
(3)生活難
故此……難道双非兒和双非家長会喜歡居住如此惡劣嘅環境咩？
答案:当然無啦！
你估当双非兒傻嘅咩？
佢地在中國內地有楼又有車……又有錢……又点会咁白痴來香港过著暗無天日又处处碰壁……而且叫苦連天嘅生活呢？
有D双非家長在香港生完仔……即使佢地在香港替双非兒申領埋“香港身份證”和“香港特區護照”都唔会打算“長期居港”……双非父母都抱番个双非兒返中國內地生活啦…連就学就医都係在中國內地………仲边到有兴趣來港定居呢？
再者……家陣只係深圳“港人”嘅单非兒和双非兒來港就学只屬少數……而且人口政策督導委員會班委員又点知双非兒会“長期居港”？
而且，人口政策督導委員會班委員又点知双非兒和双非家長在香港会有經濟上貢獻呢？
難道班委員有“先知能力”？
唔好講笑啦！
講真……在香港生活？就只有“乞食”
双非家長唔会咁死蠢……
係中國內地生活仲好过香港……
又高收入又高福利又有發展机遇和空間……
係都留在中國內地發展……有能力就移民美國加拿大澳洲等国生活啦！
都唔睬香港啦！
居港？妖！
仲慘过住難民營……居港？
故希望香港特區政府盡快向中國全國人大常委會提請解釋基本法第二十四條……及修改入境條例……明確訂明“只有擁有香港永久性居民身份之父或母在港所生之子女才享有居港权……
必須透過中國全國人大常委會去推翻終審法院在2001年有关莊豐源案之裁決……
咁就一併解決双非問題……
咁就变相接近二十万双非兒自动喪失“香港居留權”……
总之……香港教育医療社會福利資源是俾土生土長香港人用……並非老鳳俾中國十三億人民享用……
中國內地平民百姓要就医就学……就应該係番中國內地讀書求医……
唔該……双非兒及双非父母……要就学就医……
就“死返中國內地讀書就医”
講真……假如政府真的要接近二十万双非兒和双非家長“長期居港”……到時佢地在香港讀完书……揾唔到嘢做……又租唔屋……最後又成為社會包袱……又要政府动用公帑去支援佢地……只會揾嚟搞……
仲有……有時梁振英政府諗嘢又过於天真兼幼稚……
“想增加香港勞動人口？揾更多中國內地移民來港啦！”
“想搞好香港經濟？揾更多中國內地移民來港啦！”
咁簡單？我都識做特首啦！
有時唔係吓吓叫多D中國內地公民來港定居咁就叫做解決問題……
講真……太多中國內地移民來港……只会對香港社會造成壓力……及太多負累……

講开香港發展职业教育……

我今天睇網上新聞……話有條友叫“侯傑泰”提出推行職業教育……以增加技術人才需求……
但出發點係好……
有時真係要懂得睇餸食飯……
你知啦！
家陣香港係咩環境……
香港有三多:
一、廢青金毛強多
二、投機分子多
三、癲狗多
仲有……香港不像过去咁樣……
“你有拼博精神，就能擁有遍地黃金”
原來……家陣在香港……
“拼博”這两个字……到最後俾人譏笑為“傻仔”
甚至会“傾家蕩產”
最終“一世捱窮”……得Q個桔……
唔知我講咩？
唔緊要……
看看香港嘅環境……有咩行業存在？
只有服務業……
金融地產两行業已泡沫化……
仲存在咩技術性行業？
食品加工业？
妖！都电腦化咗好耐啦……而且人手需求又少……
食肆廚房又熱又悶……而且無咩人喜歡做廚房……你知啦！做得廚房……並非等閒之輩……個個都健碩如刀手……又打得又切得……
是旦边個不和……隨時大打“世界大戰”……
而且又“伙頭兜把星”
仲有……老闆又無人性化……無关愛……無扶持……無溝通……只当工人是机械人……呼呼喝喝……D人当咗係酒店……自出自入……唔好講学嘢……只係当打份工……賺份人工……後落D兼溝女上網做宅男宅女……
講真……講咩提倡推行“职业教育”那位人兄…………咁就証明條友根本不食人間煙火……
仲講咩推行“廠校合辦”？
咁即係講廢話囉……
何解？
香港仲有咩工業呀？有咩科研產業呀？有咩農業呀？
“珠寶业”？“电子业”？
早已名存实亡啦！
不然……唔会有咁多人去投身“保安业”和“清潔服務业”啦……
條友肯定發緊夢……“廢人講廢話”
明知搞親咩“廠校合辦”……大前提必須香港存在各種工业……亦可以提供大量就业机会……
但实际上……香港並沒有存在各種工業……
你話“电影业”和“影視服務業”這類創意產業……
一、已無“創意”两字……
二、出現斷層……新人入行就等於“失業”
       兼“揸兜”……十几三十年都係由阿
       哥阿姐級“天皇巨星”玩起晒……
故此……唔好玩啦！
唔通叫班港生返中國內地各類工廠做实習咩？……
未咁傻啦！
人家都嫌港生“阻住地球轉”啦！
好吧！假使班港生……学Q完……在香港又揾唔到食……在中國內地D工廠東主未必受你玩……
真係無嘢就揾嘢嚟搞……
到最後港生又变回“双失”青年……

講开香港洗碗工場……

嘩！唔講唔知……原來自從香港特區政府在2011年推行最低工資後……連食肆洗碗工人都難請人……我睇網上新聞話某食肆老闆出到二萬港元去請洗碗工人都無人嚟做……
故洗碗工場亦在香港迅速兴起……
我希望政府可做三件事:
一、香港食物環境衛生署必須向洗碗工場
       進行發牌監管……
二、由食環署派出巡查人员在全港各区
       所有洗碗工場進行巡查……並且訂立
       洗碗工場人員數目，安全措施，
       衛生環境之机制，並且進行評分……
       当工場屢次不合格及不去改進……
       食環署有权吊銷其營運牌照，
       但希望不要吓吓要市民舉報，
       食環署人員先至做嘢……
三、香港特區僱員再培訓局或者
       職業訓練局可以开辦廚房潔淨
       訓練証书課程……以培養高技能
       高質素洗碗潔淨人員，並且
       政府必須立法規定所有從事
       洗碗工場之職工必須持
       工人註冊証和
       政府認可合格証书才可獲
       僱主聘用……
我都想投資搞洗碗工場……可惜我又無錢……咩都做唔到……

講开推行“食品和消費者教育課程”

我今天睇新聞……話新加坡教育部打算在明年推行“食品和消費者教育課程……主要是針對中一及中二学生……而且又是屬於非考試科目……純粹是由教師向学生講授……
主要內容有:
一、個人理財和鼓勵個人儲蓄
二、注重個人健康衛生
三、加強個人在社會待人处世技巧
我認為……香港特區教育局应值得仿效……
但大前提是……
一、香港教育局必須向立法会提出修改“教育條例”
(1)禁止教師加入政黨組織
(2)禁止教師參加政治活動
要先令教師完全和政治脱离关係……才会真正向学生傳授知識和人生哲理……
有時……香港教育不要太死板……
只要求学生死記爛背課本……
只会成為木頭人……
沒有獨立思考能力……
故香港教育局可以在中學一年級开始……开辦“道德健康及個人理财教育課程”
一、可以教育学生正確人生價值觀念
二、可以引導学生正確選擇食品以提升個人營養……
       以及鼓勵学生多做運動……
三、並且引導学生要惜食和反浪費……
       及自小学懂將廢物進行分類回收……
四、引導学生要有個人理財哲學……反對亂咁
        借貸……要有個人儲蓄習慣……不要亂使錢……
講真……一个人有了正確人生價值觀……又有良好個人理財哲學……唔会咁容易俾别有用心政客傳媒唆使利用……自己有了較強獨立思考能力……令自己只会將学到知識技能去貢獻社会……不會俾政客利用用作“反政府之工具”……

講开香港房屋問題

講真……香港房屋問題重點是……
一、太多中國內地公民來港定居……
二、香港本地人大部份是低技術
        低知識低学历……
三、太多中國內地炒家來港炒楼炒舖……
仲有……香港行政長官梁振英又話提出咩“港人港地”……
OK……咁政府一於玩絕D……
一、索性唔准中國內地公民來港購買物业……
二、中國內地公民來港炒楼炒舖都唔得……
三、索性由政府訂定“限價限買”政策……
咁……只有香港本地人購買物業……
發展商实降價促銷……咁就益晒班低收入市民……
以低價做埋豪宅业主……超爽……
再唔係將整幢物業或者几十幢物業賣俾政府……
再由政府以低價賣俾低收入市民……
一舉两得……
講真……政府係時候收回房屋市場主导权……取消房屋私有化……实行房屋公有制……
直接由香港房屋委員會揾地建屋……並且取消公屋……以居屋作為单一公營房屋……仲以超低價賣俾低收入市民……政府補貼过半……
老人家可獲免費分配房屋……水电煤氣管理費免交……一律由政府代繳……
而且品学兼優学生……有發明創造貢獻之市民……可獲政府免費分配房屋…………並獲政府每月給予特別獎金……以作奖勵……
並且男女結婚仲可以長相廝守……唔係玩玩吓……两三年就要离婚……可獲政府免費分配房屋…並且獲政府在每月給予生活費………以作奖勵……

咁低收入市民就可以当业主……唔使咁徬徨……
仲有……那些不事生產及游手好閒之港人或中國內地移民……就不獲政府免費分配房屋……

实行迫使信和……恒基……長实和新鴻基等大地產商退出地產市場及不再掌地產市場主导权……
当然……香港特區政府連收回大地產商所“囤積農地”都唔夠薑……
指望政府為民做好事都無用……
故此……
一、政府必須控制人口……向中國中央政府爭取
       中國內地公民來港定居申請……擁有審批參與权、
       同意权……香港入境事務处有权拒絕唔符合定居
       條件之中國內地人……予以驅逐出境……
二、政府必須主動收回發展商屬下“囤積農地”……
       其實“收回土地條例”賦予政府有权徵收土地
       用作發展……
因為……始終……政商勾結唔会消亡……
政府如此弱勢……失望至極……
当然啦！……要实現……政府必須放棄“賣地”作為“主要財政收入”……
政府必須找一个經濟產業作“生財工具”才可以支撐這局面……